“揾日我赢到十千蚊，我请妳食大餐。”
“唔要。”
“请妳食大餐，妳唔要？”
“揾日你做工赚到钱，你先至请我食耶。”
“甘要等到几时我先至赚到十千蚊噢？”
“我都冇要你赚到十千蚊先至可以请我食耶。”
“唔赚甘多钱，点请妳食大餐？”
“等你赚到钱，我地去 jalan alor 食烧鸡翼。”
“哈哈… jalan alor.”
“有么甘好笑？”
“妳中意 jalan alor 食烧鸡翼，定系去海外天酒楼食烧鸡翼？”
“我就系中意 jalan alor。”

–

“我有讲过，就算系人地整聋我，笃哑我，定系打断我D手脚…”
“…都唔可以插盲妳嘅眼吖嘛，我记得。”

–

“如果妳嫁佐个有钱人，唔好唔记得我。”
“我唔会嫁有钱人。”
“吓？点解？”
“我唔需要佢好有钱，我净系需要佢有情。”

–

“如果佢冇钱、冇车，点算？”
“手拖手行路咯。”
“哈哈…手拖手？”
“系吖，你笑咩野？最多埋踩单车咯。”
“踩单车系你屋企去mid valley拍拖？”
“…点解你要讲耶来为难我？”

–

“甘如果妳嫁个盲嘅，妳会点？”
“choi，点解挪D甘嘅耶来讲？”
“嘻，答我啦。”
“冇相干，就我拖佢嘅手拍拖。”
“……”
“做咩野甘睇住我？”
“我以为甘嘅女仔绝种佐。”

–

“甘如果有日妳出名、赚大钱之后，唔好唔记得我。”
“……”

–

唔系我死牛一片颈、固执，都唔系我扮酷、有性格，亦都唔系我睇唔起你、讽刺你。但系，唔是你自己用劳力赚嘅钱，我唔会接受你请客。

五年前，我地坐系巴士车站，你同我讲你D梦想。 着住普通恤衫、牛仔裤，拎住个大大嘅工具箱…系飞机下低，专修整机件。我觉得，16岁嘅你，同其他16岁嘅同学，好唔同。甚至乎，我觉得我地两个有D相似…人仔细细，有个扛唔起，又唔知边度开始嘅梦想。你知吗？我个时候嘅梦想，系战地摄影记者、或者系战地嘅医疗人员。

你中意嘅flight engineering，人地睇来好似简单嘅工作，但其实系好艰难、好复杂、好远。单单读，就需要准备好多钱，出国几年时间，仲要接受训练。个时候，讲真嘅，我唔舍得你走。但系，依我嘅性格，我系唔会留住你追求你D梦想嘅。

几年之后，我地中学毕业啦。好耐、好耐一段时间，我好挂住你着住校服嘅细路样。虽然由我识得你开始，你就系最高嘅男仔；但系个时候嘅天真可爱、傻傻嘅笑面，以加系你身上揾唔到佐。有一次，你揾我同你一起出国读书。你话，除佐学费，其他嘅住宿、三餐，我都唔洗担心。我有考虑，但系捻下…笑笑，推佐你嘅邀请。你嘅梦想因时间改变，以加你读嘅系经济学。你决定改变嘅时候开始，我就好肯定，我唔会跟你去，亦都唔会唔舍得佐。

多几个月，你就出国啦。我好希望，系你没走之前，可以摇醒你。钱，唔系一砌。你以加拥有嘅，都净系帮神保管；因为，系佢，你先至可以享受依一砌荣华富贵。系时候，就算你点求，你都系要归还、卑番神。我好希望你识得珍惜；其实比起钱，有更加多嘅事，更加多嘅耶，仲过有收藏价值。